School Food (Closed)

年近歲晚，沙田新城市無想像中咁迫人。晚上7點左右搵餐廳食飯預左要等，今次見呢間門口多人，但店內又有位，咪諗住拎飛，應該都好快，但原來餐廳係入客好慢的。終於等到，忍唔住問其實佢hold起d位係咪因為有人訂左(其實知一定無)，藉此反映小小意見因為比人感覺唔好，好似特登hold住令到出面人好多咁。終於入到去，幸好食物補番數。叫了炸雞，蝦卷，黑松露意粉年糕同脆脆八爪魚飯，點多兩杯野飲。本身我食唔到辣，但今晚所點除左八爪魚飯全部餐牌都有隻辣椒仔，以為肯定辣爆，點知唔辣播炸雞juicy 好食，黑松露意粉ok, 年糕就略嫌大舊，食到糕中間無味。蝦卷份量都多，有4隻蝦，八爪魚脆脆飯都幾好食。野飲方面，叫左士多啤利乳酸同西柚梳打，都唔錯。梳打用量杯上，幾得意。如果入客快點，會食得更開心。