Video
Read full review
2010-02-06
31 views
因為朋友鐘恴食糖朝既甜品, 所以就去咗果度食晚飯+糖水.我哋首先叫咗碗艇仔粥, 招牌鮮蝦雲吞撈麵同埋羅漢齋腸粉. D食物大約20分鐘就到齊, 速度都算快. 艇仔粥煮得好綿, 粥味好香, 好似阿媽响屋企煮果種味道, 唔錯, 之後試吓腸粉, 腸粉好滑, 只係略嫌D餡料少咗D, 要減分. 再試埋果招牌鮮蝦雲吞撈麵, 雲吞入面D蝦好大隻好足料, 可惜D麵好唔掂, 淋完湯都仲係好鬼硬, 仲要係有勁大陣鹼水味, 街邊大排檔煮得仲好過佢!!食完飯抖咗一陣, 我哋就叫糖水. 朋友叫咗杏仁豆花糖水加湯丸, 我就叫咗碗熱紅豆沙! 大約10分左右, 豆花糖水就送上; 但係我果碗紅豆沙竟然等左成45分鐘(以糖朝所print之電腦單所顯示時間來計算). 我哋問咗3-4個侍應生, 佢哋只係答覆"整緊架啦", 我話: 落咗單差唔多成個鐘架啦喎!!! 但係佢哋答完整緊之後都無去CHECK ORDER/追單, 求其應酬吓客人就算! 之後呢碗"千呼萬喚"既紅豆沙到啦, 要整咁耐, 我仲以為有塊千年果皮响入面潻呀, 但望落其實都只係碗普通紅豆沙!!! 呢個時候個侍應走埋嚟勁負氣話: 邊有成個鐘呀! 我答佢話: 阿大嬸, 4
我哋首先叫咗碗艇仔粥, 招牌鮮蝦雲吞撈麵同埋羅漢齋腸粉. D食物大約20分鐘就到齊, 速度都算快. 艇仔粥煮得好綿, 粥味好香, 好似阿媽响屋企煮果種味道, 唔錯, 之後試吓腸粉, 腸粉好滑, 只係略嫌D餡料少咗D, 要減分. 再試埋果招牌鮮蝦雲吞撈麵, 雲吞入面D蝦好大隻好足料, 可惜D麵好唔掂, 淋完湯都仲係好鬼硬, 仲要係有勁大陣鹼水味, 街邊大排檔煮得仲好過佢!!
食完飯抖咗一陣, 我哋就叫糖水. 朋友叫咗杏仁豆花糖水加湯丸, 我就叫咗碗熱紅豆沙! 大約10分左右, 豆花糖水就送上; 但係我果碗紅豆沙竟然等左成45分鐘(以糖朝所print之電腦單所顯示時間來計算). 我哋問咗3-4個侍應生, 佢哋只係答覆"整緊架啦", 我話: 落咗單差唔多成個鐘架啦喎!!! 但係佢哋答完整緊之後都無去CHECK ORDER/追單, 求其應酬吓客人就算! 之後呢碗"千呼萬喚"既紅豆沙到啦, 要整咁耐, 我仲以為有塊千年果皮响入面潻呀, 但望落其實都只係碗普通紅豆沙!!! 呢個時候個侍應走埋嚟勁負氣話: 邊有成個鐘呀! 我答佢話: 阿大嬸, 45分鐘唔係差唔多成個鐘咩? 一碗普通既紅豆沙有咩理由要等45分鐘先上到呀? 我朋友果碗豆花加埋湯丸都只係用10分鐘就上咗啦!!
其實幫我哋落單(食品+糖水)都係同一個阿姐, 個阿姐差度真係好差, 一嚟就扔底張落單紙話: 叫咩自己寫! 再以後叫糖水時, 無晒ORDER紙, 於時揮手落單, 又係個阿姐埋嚟, 再次扔底張落單紙講番果堆嘢, 佢未講完我個FD話: 得啦, 食咩自己寫呀嗎! 落完單, 同佢講明我哋係要熱既糖水, 點知佢又嚟料話: 個餐牌上面寫到明係熱既呢就即係熱. 佢即係講緊廢話! 我哋就係唔想佢落錯單先重申一次, 點知佢竟然答得咁爆!
仲有個爆笑位, 就係個阿姐( 點解又係同一個阿姐我答唔出, 總之個阿姐成日响我哋呢幾張枱附近陪迴啦) 佢埋嚟收我哋d碗碟, 之但係我碗粥仲有好幾啖(7-8啖)先食完, 點知佢竟然捧住成堆碗碟唔行開, 係要收埋我手上隻碗先肯走. 我真係好嬲, 佢唔可以遲D先再嚟收架咩? 我又無URGE佢收碗! 响火嚟既情況下, 好, 我就慢慢食, 要佢等下先囉! 結果我食咗成大半分鐘先至俾隻碗佢, 雖然我咁做好似有d衰, 之但係佢真係態度奇差, 我要出奇制勝 雖然我咁做好似有d衰, 之但係佢真係態度奇差, 我要出奇制勝先掂!
問我有無下次, 有既, 但一定會要求唔要果個阿姐落單囉!
Post