江南瀨粉 (福榮街) (Closed)

原本去深水埗想食車仔麪，但人太多都系放棄。見到呢間瀨粉，感覺有啲特別，決定試下。瀨粉食落口感唔錯，雖然唔係Q彈嗰種，但咬落有啲爽口，OK。點咗酸辣湯底，加兩蚊，個人口味酸辣都唔夠，亦唔夠香，失望。配料麻麻，丸類死實實，肥牛乾，腐竹硬，腩肉太碎，水餃一般，只有魚角OK。另外點咗炸雲吞，真係全餐亮點，熱辣辣，炸得鬆脆，蝦味鮮甜，高分。原本全餐整體OK，可惜係短髮店員落單嗰陣，無啦啦加樽50蚊既辣椒油，問佢仲串串貢，發現自己落錯單仲話high到啫，OK，我當妳真係唔小心，但一句唔好意思都無，全無歉意，呢個環境仲咁態度，令人失望。