開心小廚 (Closed)

同老公order了兩份早餐, 兩份都係湯粉+腸蛋, 根據佢張單record 11:12落order, 隔了十分鐘湯粉到, 再隔一陣餐飲都到了,  11:2x 分出了一份腸蛋, 仲有一份未到11:30催左一次,  回覆話催左, 11:42仲未嚟,  再催一次都係回覆催左但無回答要等幾耐, 11:45真係等到唔趕時間變趕時間, 唯有結帳走。於收銀結帳時同疑似係老闆娘投訴, 佢只說唔好意思, 話個爐壞壞哋, 但解釋唔係好合理, 為何同一張枱叫同一樣食物會只出到一份? 仲要收全份早餐價錢, 因第二份早餐只食了湯粉,餐飲, 想要求只收湯粉和飲品價, 卻說電腦set死價錢不能改!  只食左佢半份早餐, 卻收了全份錢, 之前已經聽過這間餐廳常常要客人等, 等到無可奈何唯有結帳走, 都預左要等耐少少, 無想過會由唔趕時間等到趕時間, 又唔明白為何一份腸蛋半個鍾都未有, 其實出唔倒就應該早點通知客人, 如果佢地服務唔改善, 真係好難留住客人。