本店 (Closed)

本店同三原一樣，都係The Parkside新開既日式餐廳，不過本店係主打刺身、壽司同串燒。睇左成個menu幾輪都係決定叫晚市套餐($368/位)。▪️胡麻豆腐沙律每碟沙津有三舊豆腐，配胡麻醬，幾refreshing☺️▪️廚師發板刺身拼盤(4款)4款刺身(由後至前、左至右)係三文魚、左口魚、真鯛同甜蝦。睇左幾個openrice食評都見到三文魚，三文魚應該係鐵膽。三文魚同左口魚普通；真鯛係厚切連皮，質感好韌，薄切應該口感好d好食d；甜蝦好甜幾好。▪️廚師發板串燒(6款)雖然餐牌寫6款，但實則係3款，有免治雞肉棒、雞腿肉同冬菇，每款兩串。免治雞肉棒太多汁偏鹹；雞腿肉嫩滑唔錯；冬菇普通。▪️雜錦天婦羅天婦羅有蝦(2隻)、魚(1件)、雞(1件)、茄子、南瓜同冬菇。天婦羅炸得唔脆同較油，炸粉較厚身。▪️蒲燒鰻魚飯每人一個鰻魚飯，有兩件鰻魚同一大碗飯，一定唔驚唔飽🤣鰻魚好腥，完。▪️是日甜品甜品係一球朱古力雪糕，裝雪糕既小缽都係雪到凍既，等雪糕無咁快溶👍🏻總括黎講，晚市套餐係比單點抵食，但都係性價比低🤑，無下次🥶不過如果係想食環境既，都ok既。