Giovanni Pina Ristorante, Bar & Pasticceria (Closed)

因為慶祝，所以想揀一啲平時唔去嘅餐廳試下，之後去咗呢一間意大利餐廳，裝修好多紫色懸吊物，配落地大玻璃，望住東區走廊維港景，餐廳內客人不算多，環境闊落，係一個想坐低靜靜享受一餐嘅地方。今次叫咗一個海鮮意大利飯套餐叧加一個薄餅，先講餐湯牛肝菌，味道濃沃，好味道，之後白汁海鮮意大利飯，每粒飯都有咬口，不乾身之餘亦充滿汁的味道，海鮮每一樣都有鮮味無論青口/蠔/蝦/八爪魚，但略嫌份量實在太少無論主菜及米飯。至於薄餅方面，本人推薦，又熱又脆，皮較薄，拿上手食不會令配料太多跌下，味道亦都唔錯，最後係芝士餅，好食過坊間好多知名嘅蛋糕店，入口即溶，最後一杯熱咖啡就比較普通，整體嚟講滿意但價錢實在太貴，間中試下無妨。