紐約客 (Closed)

下午茶時間，經過荃新天地，見到裝修幾靚，就走入去試結果環境100分，食物就好麻麻。價錢相對較貴，下午茶平均30-70蚊，而且份量非常精緻。要開始講重點了，我地總共4個人叫左4樣share黎食，最後唔飽仲要走去對面食家鄉雞。首先講下值得一讚係薯條雞翅的薯條，係原隻薯仔厚身炸果種，炸得金黃，恰到好處，食落有口感，但至於雞翅就好似發育不良甘，可以用皮包骨黎形容，而且得兩隻，28蚊。另外再叫左個蒜片蝦意粉之類的6x蚊，味道過於清淡，蒜味和鹹味亦不夠突出，卑人第一感覺係唔係滾水恰完撈兩撈？之後再叫左個紐約炒飯38蚊，同樣相當精緻，味道就似照燒汁撈飯甘，冇咩特色。最後叫左個素菜pizza，味道ok，可惜同樣地價錢和食物的質數對於一般食客，同我D朋友黎講確實麻麻，如果食環境還是可以的。