Video
Read full review
2009-09-07
18 views
今日本來想去試下附近開左唔係好耐0既西餐廳，但係實在係太多人，所以去呢度食。我周不時都有同朋友推薦呢個地方食晚飯，因為價錢唔算好貴0既同時，地方都算舒適，而且野食都算唔錯。平均一個月黎一兩次，不過寫食評係第一次。另外一提，平日LUNCH 黎食要早D黎，事關上班族實在太多，一係要早D黎，如果唔係好有機會會遲...是日SET LUNCH 有6款，另亦有BURGER/SANDWICH SET，款式選擇都尚算OK，SO FAR 未試過SET 唔啱要散叫。本人一向都OK 鍾意食RISOTTO，另外蕃茄汁整0既我都OK 鍾意，所以幾乎諗都冇諗就要SET A (RISOTTO WITH PRAWN + GARLIC IN TOMATO SAUCE)。另外可以叫是日餐湯 (當日係意大利菜湯) 或者沙津，我就叫左湯。首先黎0既係意大利菜湯，味道都算唔錯，就咁睇真係好足料，，不過個人認為好似有D過份有'料' ... 感覺上食湯料多過飲湯，淨係食料己經夠飽! 我諗唔會係因為我兩點幾先食，所以D湯賣得七七八八? 之後就有麵包，個邊算係幾脆，有D暖暖地0既感覺，但係唔似係丁熱嗰種，所以都算唔錯。 主菜係頭
我周不時都有同朋友推薦呢個地方食晚飯，因為價錢唔算好貴0既同時，地方都算舒適，而且野食都算唔錯。平均一個月黎一兩次，不過寫食評係第一次。
另外一提，平日LUNCH 黎食要早D黎，事關上班族實在太多，一係要早D黎，如果唔係好有機會會遲...
是日SET LUNCH 有6款，另亦有BURGER/SANDWICH SET，款式選擇都尚算OK，SO FAR 未試過SET 唔啱要散叫。
本人一向都OK 鍾意食RISOTTO，另外蕃茄汁整0既我都OK 鍾意，所以幾乎諗都冇諗就要SET A (RISOTTO WITH PRAWN + GARLIC IN TOMATO SAUCE)。另外可以叫是日餐湯 (當日係意大利菜湯) 或者沙津，我就叫左湯。
首先黎0既係意大利菜湯，味道都算唔錯，就咁睇真係好足料，，不過個人認為好似有D過份有'料' ... 感覺上食湯料多過飲湯，淨係食料己經夠飽! 我諗唔會係因為我兩點幾先食，所以D湯賣得七七八八?
之後就有麵包，個邊算係幾脆，有D暖暖地0既感覺，但係唔似係丁熱嗰種，所以都算唔錯。
主菜係頭先講左0既意大利飯 。本人覺得RISOTTO 應該係有少少硬硬地0既感覺 (咁樣會好咬口D)，但係今日試佢就有D淋... 而且個蕃茄汁都有唔少，可能係另到個飯會比較淋0既原因 (不過好似以前食冇咁淋)。 不過佢另外加左香草、磨菇、少量芝士，令個飯唔會太單調。當然唔少得個蝦啦，個蝦食落都算幾新鮮，OK。
食完個飯，意料之外，有個朱古力CAKE，不過本人對呢方面冇乜研究，所以冇乜意見。
最後，加左10蚊要左個CAPUCCINO (當然有一般0既咖啡或茶)。算係幾大杯，抵飲，不過個人認為味道一般。
唔知係咪換過廚師定乜，雖然菜式都算OK，但係感覺上水準KEEP 唔倒以前咁。不過本人認為一間餐廳有咁高0既樓底 (就咁睇都有14/5呎倒)，仲有最鍾意0既長梳化 (一邊可以坐三個人，但係我鍾意一個人坐晒)。喺咁0既環境食餐飯，飲杯咖啡，都確實係好RELAXING 。
Post
