小甜谷 (Closed)

喺大坑附近食完飯，就搵間甜品舖下場。 行幾步就係小甜谷，所以決定喺呢度食甜品。因為天氣太熱，所以揀咗兩個冰， 一個菠蘿冰一個西瓜冰。 個冰裏面有好多冰粒， 都未打碎曬， 搞到淨係食冰咁。 味道方面，個西瓜冰做幾清甜， 菠蘿冰就有少少假， 好大浸罐頭菠蘿果種假甜味。朋友就叫咗個抹茶心太軟， 好香抹茶味，不過有少少澀， 加埋個紅豆同雪糕， 都算係唔錯。最後就係叫咗個酥皮芒果之類， 熱辣辣， 加埋個凍冰冰嘅抹茶雪糕， 簡直係絕配， 算係咁多款裏面最出色嘅一款。