616牛肉火鍋專門店 (Closed)

如果想食牛，嚟依到就啱啦！ 之前食開火鍋，就只會叫 「肥牛」 ，嚟到依到，可以同你講，牛嘅唔同部位，味道都好唔同。 我知大陸有幾間出名專門食牛嘅火鍋，不過一個打工仔有幾可放工返工返大陸食火鍋呀！ 所以今次open rice 咗一陣，見到一間專食牛嘅火鍋，價錢算貼地，所以試下好唔好食，再加上之前去過依間野食午餐，對他印象真係唔差。 裝修注入香港元素，四人坐位算寬闊。 值得一讚係餐廳伙記醒目加熱情我未出聲就解決晒我疑難 （係人都怕黑口黑臉的伙記啦！） 今次我同老公去食，叫嘅份量唔算勁多，但總算食到唔同部位。 牛位置方面叫咗： 好新鮮的血紅色牛駝峰 （本人最喜歡，好重牛肉味，油脂分佈平均） 我老公鐘意 ： 封門枊多些，話好嫩口。 牛部位： 橫隔肌 另叫咗個牛筋同牛腩。 每件大大份，抵 。誠意推薦 叫鳥冬 配上秘製牛肉汁 ，再加幾塊剛灼嘅牛牛，正呀！ 一定要咁試下， 鳥冬入晒牛肉汁其實仲有好多部位呀⋯⋯下次再試 醬油盤一點都唔hea你 ，醬油再入鮮牛油， 又真係意想唔到嘅夾。 每人都係200元左右，幾抵