泰.夯蝦 (諾士佛臺) (Closed)

最近呢間主打泰國「流水蝦」放題的餐廳好hit，身邊好多朋友都討論，鍾意食海鮮又鍾意食蝦嘅我梗係唔可以錯過啦！趁放假同朋友嚟一齊試試。入到黎好似去咗一個海鮮市場咁樣，但係裝修又幾有泰式森林嘅感覺，又好似入咗個木屋咁，幾特別。首先講一講自助區，有少部份熟食，包括魚餅、吉列蝦、咖喱蝦等等，仲有葡撻同埋心太軟蛋糕添，連湯都有得飲。除咗食蝦之外，仲有好多BBQ類嘅配料，同埋海鮮：象拔蚌、元貝、峴都係任食，好新鮮！每位都會額外贈送靚牛肉同埋鮑魚，好正，唯一不足的係個爐太細，燒唔到好多嘢食哈哈。食完基本嘅海鮮之後，就去攞蝦啦！自己去攞真係別有一番風味，可以見到啲蝦仲生猛，捉完之後首先放落冰水度焗暈佢，然後就可以燒，如果唔係就跳跳紮。流水蝦正既係好肥美，而且可以食到蝦膏，正！嘢飲同埋雪糕方面，部份都係泰國牌子，好正宗！甜品方面種類唔算多但係味道都OK，總括嚟講值得一試。