珍寶王國 (Closed)

由細到大都睇周星馳的食神，咁大個仔就特登去試一試！位置位於鴨脷洲深灣軒附近，但係唔緊要我哋有揸車，所以可以試一試！食客先要從兩邊嘅碼頭，乘搭餐廳專用嘅船，就可以到達餐廳了！我哋叫咗好菜，有炸豆腐，有咕嚕肉有蟹鉗，仲有脆皮雞同埋菜，當然唔少得就係鮑魚啦！海鮮餐廳入邊嘅裝修亦都好精緻，好富有中國傳統特色，同埋佢仲有一張龍椅，俾你可以穿上龍袍扮作皇帝享受一番，而且價錢亦都唔算特別貴，所以非常值得一試！！