Video
Read full review
2008-07-31
19 views
今日係大家的 last day, lunch 想食得好 d, 同兩位同事走到過銅鑼灣食日本0野, 0係 Openrice 見到口碑不錯, 決定試試呢間「竹八」. 11:00am 打去訂檯已得返 bar 位, 不過無所謂啦. Set lunch 最平的 $100 (熟食) 都唔使, 但左睇右睇, 都係叫了雜錦壽司定食 ($140).先0黎 salad, 賣相好 hea, 蔬菜大大舊的, 乾爽得很, dressing 就太多, 搞到成碟0野太酸了.蒸蛋夠滑溜, 味道清清淡淡; 配料得白果, 香葉及日式魚蛋, 而白果係微苦的, 又唔夠軟, 麻麻.跟住係 11 件壽司, 齊 serve 的仲有熱湯烏冬, 壽司食到一半先0黎蓮藕漬物前菜, 完全唔知 waitress 想點 -_-" 11 件壽司之中竟然有三文魚, 打了個突... 壽司飯握得唔夠實, 有幾件一夾就散, 加上醋味淡得很, 幾麻麻; 咁多款以甜蝦及鰹魚 (?) 最好食, 甜蝦鮮甜爽身, 鰹魚則鬆化味濃, 幾好食. 兩款軍艦都唔錯, 海膽夠新鮮, 食落帶甜味, 三文魚籽就粒粒鹹鮮, 可惜兩款軍艦的紫菜已腍晒, 濕濕的好難咬開,
先0黎 salad, 賣相好 hea, 蔬菜大大舊的, 乾爽得很, dressing 就太多, 搞到成碟0野太酸了.
蒸蛋夠滑溜, 味道清清淡淡; 配料得白果, 香葉及日式魚蛋, 而白果係微苦的, 又唔夠軟, 麻麻.
跟住係 11 件壽司, 齊 serve 的仲有熱湯烏冬, 壽司食到一半先0黎蓮藕漬物前菜, 完全唔知 waitress 想點 -_-" 11 件壽司之中竟然有三文魚, 打了個突... 壽司飯握得唔夠實, 有幾件一夾就散, 加上醋味淡得很, 幾麻麻; 咁多款以甜蝦及鰹魚 (?) 最好食, 甜蝦鮮甜爽身, 鰹魚則鬆化味濃, 幾好食. 兩款軍艦都唔錯, 海膽夠新鮮, 食落帶甜味, 三文魚籽就粒粒鹹鮮, 可惜兩款軍艦的紫菜已腍晒, 濕濕的好難咬開, 掃興. 魚類就麻麻, 件件都好多筋, 一般豐腴, 魚味亦一般濃 (三文魚直程無味的, 食蒟蒻一樣!); 仲有件腐皮壽司,「出水」情況幾嚴重, 可幸夠甜, 入面除0左酸薑之外仲有冬菇, 味道可以. 另外要講0下 d wasabi, 幾香又好辣, 食得幾過癮.
薄蓮藕片雖然俾 waitress 搞到唔再係前菜, 不過食完壽司食 d 酸酸爽爽的漬物, 幾惹味; 烏冬帶微酸味 (!?), 咬落未至於彈牙, 但起碼唔係腍 bad bad, 不過因為呢個熱烏冬為同壽司一齊 serve, 到我食佢時佢已攤凍晒, 味道大打折扣, 溫溫吞吞感覺好差.
同事則揀了北海魚生飯, 有帶子, 甜蝦, 三文魚籽及玉子, 賣相色澤十分靚, 相信味道唔錯?
最後的熱咖啡都幾香, 奉上 room temperature 的奶, 可惜唔夠熱, 攪拌極 d 糖都唔溶, 加上得一個 shot 0既份量, 兩啖就飲晒, 到喉唔到肺.
而同事們就揀了雪糕 (朱古力味及紅豆味), 唔知好唔好食呢?
環境 ok, 裝修幾優雅, 不過我坐的 bar 檯左端就認真麻麻了, 有一堆亂放的 lunch menu, 女店員們0係我面前不斷接電話, 講0野又大聲, 困擾; 店員們態度其實唔差, 不過手腳真係... 比同事們遲到的我已坐低, 但店員們係好耐都無俾毛巾及蒸蛋匙羹我的; 加上上菜次序亂七八糟 (搞到仲影響了食物味道)... 我都知佢想做多幾檯生意, 但咁都唔使一次過 serve 晒 d 0野食「打發」我0地走吧? 日本餐廳0黎講, 服務係十分麻麻.
連加一約 $155, standard 日本餐廳的 lunch 價, 食物及服務都麻麻, 我覺得唔抵食, 試過一次應該唔會有第二次了. 不過點都好, 呢餐「最後的午餐」食足個幾鐘, 食飽同同事們匆匆趕返金鐘, 都幾開心的.
Post
