譚仔雲南米線 (Closed)

之前試過求其撞入去一間米線舖，試過兩三次，次次都中伏，雖然譚仔已經無以前咁好食，但係比較市面既其他米線舖，佢真係無得輸。牛肉雞肉三小辣米線依然係咁爽，湯底係無以前咁好味，但麻辣味依然不變，每次都食到大汗臨漓，真係唔知大辣係點先食到落口，牛肉一如以往，無咩牛味，雞肉係最好食，夠滑，唔會碌到好"鞋"。蒜泥白肉大量蒜泥同辣油蓋住腩肉片，另腩肉增添少許辣味，好開胃。拍青瓜好爽口，少少辣，係開胃前菜之一。價錢合理，質素有保證，係速食之選。