景逸軒 (Closed)

原本想話約班師兄弟姐妹去飲茶食點心，約完猛然醒起，原來果日係"天赦日" 最好食素！幸運地，一大班師兄弟姊妹都係玄學高手，個個都贊成食素，於是乎成張點心紙全部點素食！椒鹽炸豆腐係必食，外脆內軟又熱，係我要求嘅水準，讚！淮山麵係我平時絕少點嘅麵，依！有驚喜喎，首先淮山份量無偷工減料，麵條彈牙，而個湯底亦清甜！唔錯！其實，驚喜係我少食啫.....係係係！即使眼前嘅全部係素菜，但個鑊可能有豬油！明嘅明嘅，其實..... 做人最緊要齋口又齋心，齋口又蛇心嘅人我遇過一大堆，祝佢地好運啦！PS:多謝咁多位師兄師姐指教，獲益良多，祝新年快樂！