Video
Read full review
2011-06-12
95 views
跟友人食飯, 本來唸住去食西餐, 但在飯局前一日才由澳門回來, 應該食得已夠多了, 不如就去食素菜. 決定後就訂左枱, 不過星期五的關係, 佢要我八點半就要還枱了. 不過算啦, 反正我跟友人食飯不嬲都食得快. 訂左七點, 我倆準時到達, 就由侍應帶我們入內就坐, 不過...估唔到就算訂左位, 個位都幾差下, 因為是加枱來的, 好一張摺枱, 仲要位置於角落, 被一張六人大枱跟四人枱所包圍的二人枱, 環境真係嘛嘛地, 而六人枱的人客應該是熟客, 因為不同的經理, 侍應都有跟那枱客人打招呼加傾計, 更加對比出我這個角落位好像無人理因為友人肚仔餓的關係, 我地兩個人竟然叫左六款不同的食物, 包括數款不同的小食. 包括魚生, 椒盬豆腐粒, 齋滷味, 咕嚕素球, 乾炒牛河同埋甜品綠豆布甸一客兩個食. 照睇我地所點的菜單, 真係表示出我地兩個都係一個食肉獸, 只係今次是素肉. 魚生有八片, 是疑似吞拿魚同三文魚, 個樣都幾似嫁, 入口就滑滑的, 咬口都似似地既, 味就無咩味嫁啦, 一定要點豉油同芥辣, 像真程度會好好多. 豆腐粒正常, 但我覺得面的炸粉有點厚, 令到入口時有點硬硬, 唔夠
因為友人肚仔餓的關係, 我地兩個人竟然叫左六款不同的食物, 包括數款不同的小食. 包括魚生, 椒盬豆腐粒, 齋滷味, 咕嚕素球, 乾炒牛河同埋甜品綠豆布甸一客兩個食. 照睇我地所點的菜單, 真係表示出我地兩個都係一個食肉獸, 只係今次是素肉. 魚生有八片, 是疑似吞拿魚同三文魚, 個樣都幾似嫁, 入口就滑滑的, 咬口都似似地既, 味就無咩味嫁啦, 一定要點豉油同芥辣, 像真程度會好好多. 豆腐粒正常, 但我覺得面的炸粉有點厚, 令到入口時有點硬硬, 唔夠脆口. 齋滷味因平時在灣仔買開, 真係相差幾遠, 可以不食.
而主菜的咕嚕素球, 我覺得不錯, 因為佢連個口感都似食咕嚕肉的感覺, 有肉的纖維, 哈哈!! (又顯示出我係鐘意食肉多d啦) 而配菜有青椒同菠蘿, 青椒很爽口, 不錯. 而我覺得這個罐頭菠蘿的糖水太甜了, 口感又太冧了, 扣分.
乾炒牛河如果唔知, 真係唔覺得佢係素, 成個味, 牛肉, 配菜, 其實跟茶餐廳沒兩樣, 而且又炒得不太油, 分量又ok, 好味!!!綠豆布甸是一點完菜, 侍應推介的, 仲話是限量, 所以我地就叫了一客, 不過到入口, 我覺得綠豆不夠冧, 布甸又沒有綠豆味, 只有是綠色, 整款甜品是綠豆還綠豆, 布甸還布甸, 兩者沒有合二為一, 怪怪的!
每人食左接近一百五十蚊, 原來食素一d都唔平嫁啊
Post
