和宴

Open Now

Now Closed

同男朋友嘅週年慶，又嚟呢間日料店食啦！之前食過佢哋嘅午餐定食已經覺得好好食，而家試佢哋嘅宮崎和牛海鮮十三品盛宴，菜品味道令人驚艷，尤其係燒肉簡直令我哋流連忘返！！前菜🥗：特製宮崎和牛他他配法包，非常豐富嘅味道！宮崎和牛調味得啱啱好，生肉嘅口感食落去唔會膩，軟嫩牛肉同脆口嘅法包食落去好有口感👍🏼韓式海鮮煎餅，鹹辣適中，仲可以食到脆脆嘅泡菜迷你沙律，清爽解膩燒肉🥩：宮崎和牛薄切牛板腱，脂肪較少仲帶住肉筋，好有咬口仲帶住濃烈嘅牛肉香味🤤薄切牛舌芯，配上佢哋調配嘅鹽蔥汁非常惹味🔥宮崎和牛 特上牛肩肉眼，我非常鍾意嘅部位之一，油香非常濃郁，肥而不膩鹿兒島豚 五花肉，豬肉都好好食，細緻鮮嫩，仲食到一股奶香味，食唔夠！🤤海鮮🦐：海老同帆立貝都非常鮮美，食落去肉質細膩，一點異味都冇！食到呢度其實我哋已經好飽啦，但係我哋仲係有試到佢哋嘅烏冬麵，都好有味道，鹹淡十足而且麵條都好有嚼勁😌 最後仲有甜品收尾，性價比真係好高👍🏼