Green Common (如心廣場二期) (Closed)

行完donki 先11:30但肚餓，見到Green Common 啱啱開門又唔使等位，就入咗去。地方光猛又乾淨，坐得好舒服。我叫咗芝脆焗豬扒飯，飯底係糙米飯，幾有咬口，個茄汁都好特別，酸酸地但唔會好漏。配菜有西蘭花紅蘿蔔等，豬扒就不過不失，又幾似真豬扒嘅。整體都幾好味，冇大家X 個一哥焗豬扒飯咁漏。飲品係新會員送嘅黑豆杏仁奶，好濃黑豆味兼入口香滑👍🏻老公就點咗未來咖喱飯🍛賣相一般，顏色唔吸引😂 咖喱味就同坊間差唔多，不過塊肉同條「愚公腸」個人來說係伏😐經典紅豆冰出奇地幾好飲，唔算好甜，亦都好香豆奶味👍🏻