Video
Read full review
2019-07-08
462 views
成日食咁多肉，都要定時定侯食番餐素食調劑下。坊間好多素食店可以食到人均貴過肉，所以宜家都偏向去食素食自助，好多食$100唔洗已經可以捧住個肚落樓，夠曬抵食嘛。今日黎到呢間新開既素食自助，開係食街登龍街。上到黎，老闆就熱情招待，介紹呢度有中有西，有熱有凍，有前菜有甜品，仲有飲品。再講解呢度既規矩，就係只用一套餐具。因為好肚餓，又費事行幾轉，我就一次過每樣要啲。首先飲碗湯先。呢度既南瓜湯無加奶，味道純滑自然。再食埋個飯前沙律先。呢度最吸晴就肯定係呢度既薄餅，仲有鰻魚！薄餅係非常薄既食完唔洗驚滯。鰻魚似模似樣，口感係爽滑既菇，面頭係平時食開既鰻魚醬。呢度仲有一大部果乾機係度製作果乾，有蘋果、青蘋果、橙乾，咬落好有咬口，因為風乾處理，甜味更出。呢度蔬菜有好多款揀，有冰鎮菜心、涼拌萵筍、手撕包菜、四季豆燜茄子、青瓜雲耳等等。當然唔少得菇類，蘑菇、杏鮑菇等等。超鍾意豉油皇杏鮑菇，咬落好有咬口，豉油調味鹹度剛好。脆口既野食呢度都唔少，有炸生蠔、鹽酥雞、南瓜天婦羅、茄子天婦羅。薑醋蛋都超入味。台式芋圓都幾特別，開頭以為係笑口棗之類，原來真係成個都係芋頭，裡面夾有青蘋果粒同沙律醬，令整體食落無咁滯。飲品
今日黎到呢間新開既素食自助，開係食街登龍街。上到黎，老闆就熱情招待，介紹呢度有中有西，有熱有凍，有前菜有甜品，仲有飲品。再講解呢度既規矩，就係只用一套餐具。
因為好肚餓，又費事行幾轉，我就一次過每樣要啲。首先飲碗湯先。呢度既南瓜湯無加奶，味道純滑自然。再食埋個飯前沙律先。
呢度最吸晴就肯定係呢度既薄餅，仲有鰻魚！薄餅係非常薄既食完唔洗驚滯。
鰻魚似模似樣，口感係爽滑既菇，面頭係平時食開既鰻魚醬。
呢度仲有一大部果乾機係度製作果乾，有蘋果、青蘋果、橙乾，咬落好有咬口，因為風乾處理，甜味更出。
呢度蔬菜有好多款揀，有冰鎮菜心、涼拌萵筍、手撕包菜、四季豆燜茄子、青瓜雲耳等等。當然唔少得菇類，蘑菇、杏鮑菇等等。超鍾意豉油皇杏鮑菇，咬落好有咬口，豉油調味鹹度剛好。
脆口既野食呢度都唔少，有炸生蠔、鹽酥雞、南瓜天婦羅、茄子天婦羅。
薑醋蛋都超入味。
台式芋圓都幾特別，開頭以為係笑口棗之類，原來真係成個都係芋頭，裡面夾有青蘋果粒同沙律醬，令整體食落無咁滯。
飲品方面有羅漢果茶，食完啲濃味野用來清一清個口。
最後就食埋個甜品，有紫薯西米露，食落感覺到來自紫薯嘅天然甜加少少額外糖，呢個甜度最適合我。
今餐食得超飽，但無咁大罪疚感，因為無食肉，而且食既食物都幾健康。呢度原來有DSE優惠，全時段$88。做學生真係幸福喇。
Post
