麻浦元祖 (Closed)

前幾日約咗個大食嘅朋友去咗食燒肉嘅放題，佢本身係一個食肉獸嚟嘅，佢咩肉佢都食嘅，所以我就帶佢食韓燒嘅燒肉放題。韓國餐廳都會送上呢啲配菜，我本身唔係太食得辣所以泡菜唔係太鍾意食，但係紫菜佢就整得好好食。終於到咗食燒肉啦，差唔多所有肉我哋都叫晒，淨係食肉，呢個就係牛五花啦，本身比較薄所以好快熟，雖然好薄，但係都食到嘅牛肉味。呢個就係牛仔骨啦，係我哋食得最多野嘅，因為佢嘅醬汁實在太好食，味道甜甜地可以帶出牛肉嘅香味，充滿晒肉汁。