牛繁 (MW Plaza) (Closed)

以前係日本食過炭爐既牛繁，而家香港都開左，就緊係要去試一試喇。地點係尖沙咀，又方便，同朋友聚下傾下計既好地方。鋪頭環境都好舒服，地方大，唔會坐得好逼，有曬抽風設備，燒完唔會成日韓燒味道，仲有locker可以放衫同袋，諗得好周到。重點就當然係食物喇，叫咗幾款牛同一款豬，每樣都好好味。元氣牛五花呢個係牛繁推薦菜，比其他肉厚切一d，食起會更有口感，啖啖肉汁，絕對推介。特選豬五花雖然幾多肥膏，但唔會覺得好油膩，反而佢個柚子味好出，食落好清新。蔥燒鹽香牛舌牛舌上面既汁，燒完其實唔係好食到咩味，但勝在佢夠爽口，好有口感，已經好有味道，唔洗理個d汁。壺潰牛肋條呢個上碟已經夠特別，成個壺入面仲伴著d三色椒，唔係普通一個碟，而且好入味，成條咁上，超有口感。上級和牛里脊肉不過不失喇，味道唔差，唔算好特別。霧島溫泉蛋飯食肉仲未夠飽，叫多個飯填下肚，個溫泉蛋煮得啱啱好，成個飯超好味。檸檬梳打食韓燒一定要配d有氣飲品先舒服解渴，而且佢酸酸地好開胃。