Video
Read full review
2020-09-22
258 views
星期五放工孖住個食肉獸朋友去食肉，最鍾意發掘附近新餐廳嘅我，就決定去試呢間叫做「肉肉強食」嘅餐廳，個名有啲搞笑🤣。其實一睇餐牌就知佢係港式扒房嚟，價錢仲好大眾化添😊。餐廳嘅位置處於長沙灣同深水埗嘅交界，佢裝修同上手差唔多，下層係入口，而上層先係座位。面積都幾大，其中有一排卡位係窗邊位，雖然係望街景🌃，但感覺開揚。由於食物真係好平，我哋嗌到痴咗線🙈，又唔知原來食物係咁大份...，差啲食唔哂。羅宋湯同忌廉湯，我哋其中一份扒加咗$18要餐就有湯，而焗餐就送埋添。前者味道偏酸🍅，放工好攰都醒番，不過幾多料。後者味道正常，熟悉的味道，有唔少粟米蓉🌽。牛油餐包一個，頗為鬆軟🥯，但唔算特別香。吉列豬扒($20)，我嚟試依間餐廳嘅其中一個原因係因為佢賣緊廿蚊一份吉豬，你無眼花，係二十元正！吉豬每日50份限量供應，不過好彩我哋都食到😃。原來🐷吉列豬扒都係以鐵板上，齋講份量已經贏哂，因為係有兩大片，雖然就並非厚切。我哋揀咗蒜蓉汁，味道少鹹，但就取代咗傳統配炸物嘅沙律醬，始終炸物外皮夠脆就避免唔到會有啲乾身。至於豬扒味道同肉質唔錯，食得出無用鬆肉粉，餐廳仲強調豬柳係用上宮崎快樂豬製成！鐵板牛柳($128)，
星期五放工孖住個食肉獸朋友去食肉，最鍾意發掘附近新餐廳嘅我，就決定去試呢間叫做「肉肉強食」嘅餐廳，個名有啲搞笑🤣。
其實一睇餐牌就知佢係港式扒房嚟，價錢仲好大眾化添😊。
餐廳嘅位置處於長沙灣同深水埗嘅交界，佢裝修同上手差唔多，下層係入口，而上層先係座位。面積都幾大，其中有一排卡位係窗邊位，雖然係望街景🌃，但感覺開揚。
由於食物真係好平，我哋嗌到痴咗線🙈，又唔知原來食物係咁大份...，差啲食唔哂。
羅宋湯同忌廉湯，我哋其中一份扒加咗$18要餐就有湯，而焗餐就送埋添。前者味道偏酸🍅，放工好攰都醒番，不過幾多料。後者味道正常，熟悉的味道，有唔少粟米蓉🌽。
牛油餐包一個，頗為鬆軟🥯，但唔算特別香。
吉列豬扒
$20
1 views
0 likes
0 comments
原來🐷吉列豬扒都係以鐵板上，齋講份量已經贏哂，因為係有兩大片，雖然就並非厚切。我哋揀咗蒜蓉汁，味道少鹹，但就取代咗傳統配炸物嘅沙律醬，始終炸物外皮夠脆就避免唔到會有啲乾身。至於豬扒味道同肉質唔錯，食得出無用鬆肉粉，餐廳仲強調豬柳係用上宮崎快樂豬製成！
鐵板牛柳
$128
2 views
0 likes
0 comments
牛柳🥩我哋要咗七成熟，生熟度拿捏得啱啱好，有少少粉紅色。肉質唔韌兼且肉味濃，港式扒房嚟講算好高質！題外話，嗌鐵板餐姐姐會幫我哋倒汁，聽見啲咋咋聲就覺得經典。
手打牛肉芝士漢堡包
$48
2 views
0 likes
0 comments
手打牛肉漢堡有成6安士重以及1吋厚，超誇張，真心我拎上手都覺得墜手😂。漢堡扒以唔同部位嘅牛肉攪碎而成，並加入咗洋蔥粒提升味道，牛味明顯兼且多汁，但略嫌塊漢堡唔夠結實。麵包亦同平日食開嘅唔同，因為有稍為烤香過，連埋生菜、蕃茄同洋蔥食，好夾。
卡邦尼海鮮焗天使麵
$68
4 views
0 likes
0 comments
芝士焗西蘭花
$28
0 views
0 likes
0 comments
飲品方面，我哋要咗凍奶茶同凍雜果賓治，凍飲要加$5🥤。
最後，甜品就係尾聲，我哋要咗一個花奶啫喱同朱古力雪糕🍨，前者真係好有港式風情。
話明係港式西餐，點少得張紅白格仔枱布呢😜？
主餐牌都咁平，午餐直頭係時光倒流價，每日有幾款揀，最平低至$35！我平日都可以行嚟食下啵👍。
總括嚟講，餐廳可以稱得上係抵食夾大件嘅代表，無肉不歡者定必愛上🍗。味道當然唔可以拎嚟同五星酒店扒房比，但如果喺同界別競爭入面，佢喺味道、價錢、環境同服務方面都會稍作優勝。
Post
