標記樂園潮州粉麵餐廳

Open Now

Now Closed

香港咁多好野食，其中一樣我最喜歡嘅本土美食就係粉麵喇，大家食茶餐廳湯麵就食得多啦，但係真係要搵到一間又有牛坑腩，又有牛肚牛雜嘅粉面，仲有好味牛腩咖喱飯食，就唔係咁容易啦。今日我哋嚟到深水埗嘅標記，因為久仰大名佢嘅新鮮牛腩牛雜！今日就終於試到佢嘅牛腩係咪真係有咁淋，牛肚係咪真係咁好食。兩個人我哋叫咗一個牛腩河，一個牛三寶河，唔少得嘅梗係要油菜啦。試一試個湯底先，唔係一般嘅茶餐廳咁簡單，牛汁帶有點點既甜味，加上個牛腩半肥瘦剛剛好，真係入口即溶，加埋一啖河粉簡直正啊。牛三寶，即係牛筋，牛腩，牛肚，三樣都食到津津有味，爭啲要encore嚟多一碟例牌。凍飲凍檸賓，紅豆冰兩樣都好有水準，啱晒喺深水埗行到熱辣辣去食😋