Steak Bar (Closed)

銅鑼灣 一向係美食集中地 所以今次特登相約同屬#吃貨 之人嘅阿哥 去到登龍街呢間屬牛魔王必試嘅 【Steak Bar】石燒店面以型格黑色作裝修設計 餐牌提供多款定食套餐 配有前菜、沙律🥗及灑上飯素嘅飯🍚今次點咗： 🥩吉列炸牛扒定食 炸至3成熟嘅牛扒外層金黃酥脆 內裏肉質仍然保持粉紅鮮嫩🥰 只需透過石鍋將牛扒煎熟至個人喜好程度 好玩又好味 牛扒肉質腍軟又juicy 口感豐富😋 配上炸香過嘅蒜片加醬汁一同進食 令牛扒味道更富層次 加上白飯面層鋪滿日式拌飯香鬆 食落真係有返咗第二個鄉下🇯🇵嘅感覺😍 呢種食法有彈性得嚟 仲可以最佳溫度品嚐整塊牛扒 當然食得津津有味 呢個定食絕對會係我私心推介 必點之選💯另外重點咗呢個每日限量發售： 🥩頂級板腱牛扒定食 板腱牛扒非常有份量 夠曬厚身 廚師控制火候方面做得唔錯 將牛扒切開一刻入面仍然保持粉紅鮮嫩🥰 睇得出係我哋想要嘅5成熟 板腱牛扒味道較為濃厚  中間會有筋 脂肪含量較低 口感豐富有嚼勁 同時可以食得出牛肉嘅鮮嫩餐廳提供嘅肉類絕對屬食肉獸一族不能錯過嘅選擇 下次會再試吓其他定食