牛極 (馬頭圍道) (Closed)

土瓜灣一帶真係有好多餐廳~今日想鋸扒,見呢間幾企理又幾香咁就入去試一下啦!呢度只要揀好你想要咩牛扒部份,重量就可以了~好方便地去個自助點餐機點菜,俾錢,然後就可以等嘢食嚟啦!我點咗180g牛肩扒~上檯時用紙巾遮住,避免油脂彈落身上,非常貼心~但如果都係怕嘅,佢哋都有啲膠圍裙可以拎呢~要打開啦!以為180g好細舊,其實都幾厚身喎~切開睇睇,中間仲係好生的~只係外層有煎熟過~如果喜歡熟啲嘅朋友,可以切細再煎下~或者直接佢反轉面再煎~因為個石板真係超級熱!!!但我個人鍾意唔太熟,所以直接再烘一下切邊就食了~牛肉味好香得嚟,肉質都幾軟熟~完全唔會有筋或者太韌咬唔到嘅地方~餐點嘅只係牛扒或者其他肉類~而出面有自助吧,可以拎椰菜絲沙律,日本牛肉湯同埋白飯~因為夜晚我都唔多食飯,所以就拎咗一大碗椰菜絲沙律!佢仲有柚子醋同埋麻醬可以俾你選擇~椰菜絲都幾新鮮,帶點點甜味~而牛肉湯有啲牛筋喺度,亦有蘿蔔同洋葱,所以好香甜呀~成日以為呢啲店嘅牛肉質素麻麻~但今次點呢個只係要85,但都比好多地方嘅牛扒好!最起碼完全唔會覺得有鹼水味,而且肉質亦好軟滑~下次有機會再去其他分店,可以試下其他牛肉部位添!