川燒 (Closed)

川燒店一定係食肉食海鮮! 豬牛鴨啖啖肉😍 秘製醬燒BB豬肋骨超大舊, 肉多骨少, BB豬肉勁嫩, 兩大舊總共10枝骨, 切開一人揸住一條黎咬好happy🤣 秘製醬汁好惹味, 食味lam埋手指頭😋👍🏻 燒特級厚切牛脷真係又厚又大塊, 正正方方賣相好好睇, 夠厚所以好有咬口, 有少少香草好香口, 調味唔算好濃, 主要都係食返牛舌原味好香😍 唔似麻辣鴨舌, 比較少食個原味, 主要係鴨舌爽口質感, 都係秘製醬燒好夠辣炸日本河蝦脆卜卜, 炸到好乾身好脆口蝦油又香, 份量亦好多, 吹住水黎當小食食好享受, 襯埋個凍冰冰梳打仲正!青檸話梅梳打酸meimei好開胃, 一洗熱氣可以再食多好多😜