響日本燒肉 (Closed)

呢間Hibiki有兩間分店，今日去銅鑼灣嗰間，地點好方便。入到去裝修好日式，有卡位坐，坐得十分舒服。佢120分鐘燒肉套餐有分4個levels,價錢亦會有分平日／周末同早鳥時段。今日我地星期五早鳥時段去，叫左個中等價錢既［78款美國。澳洲和牛套餐］（$428加一per head)。👍🏻一坐低佢就放低左個12格燒肉拼盤同海鮮拼盤！勁靚勁開心興奮！佢每格燒肉都有個名牌，好清楚，唔會唔知自己食緊咩😁。另外佢刺身盤都拼到好靚，附送一人一隻生蠔。佢個套餐都可以任叫四款刺身同6款壽司。👍🏻電子QRcode落單，冇漏單錯單情況。👍🏻點嘢食仲有得一舊一舊咁叫，例如一塊牛舌，一舊南瓜天婦羅。勁好，唔會咁易食唔哂。👍🏻好多嘢飲選擇，仲有花茶飲。中意飲酒既朋友仲正，加$48就有得任飲六款酒！紅酒白酒啤洒梅子酒！任飲sake!好易回本！👍🏻有任食movepick杯裝雪糕🤤👍🏻肉既總類有幾十款咁多！！👍🏻有大煙通吸油煙，燒完肉個身一啲都無味！✏️總括黎講，大班人日本燒肉放題既好去處。😁