牛太郎 (Closed)

兩個食肉獸又出動啦，今次就去了旺角的牛太郎食石燒牛，餐廳有幾款不同部位的牛肉，平均都要百元起，而且份量都有得選擇，男士可以揀大份，細食者可以揀最少的份量。外面有沙律、湯及飯等任食，所以一定夠飽。牛肩脊肉表面煎至表面帶焦，但裏面九成生，以石燒板送上，熟度可按自己喜好，牛脊肉較有咬口，肉味亦較濃郁。自助區有多款調味料，可自行加調味，牛柳肉質比較嫩腍，肉味不及牛脊，但肉汁豐富。套餐還配飲品。