堅韓牛韓燒放題 (Closed)

今日同朋友去咗一間可以任飲任食日韓澳美多國牛肉放題。呢間燒肉店位於旺角地鐵站附近，好方便！供應頂級韓牛及日本和牛，還有澳牛同美國牛肉任燒，又有熱食、刺身、海鮮、石頭鍋飯、小食、飲品及雪糕好多種類。落單都好方便，掃QR Code直接點餐，快捷有效率！我一向對自己很好🤭當然點個比較豐富嘅Level 3餐，食盡啲！♡ Level 3 極尚三國牛肉餐 $478 ♡首先會送上頭盆一客三國牛肉🐂日本A4和牛冧肉~雪花紋分布平均，肉質細嫩，油脂豐富，入口即溶！🐂澳洲M9和牛肉眼~極品澳洲和牛，牛味濃郁，油香滿溢！🐂美國牛頸脊~ 牛頸脊位於牛頸與肩胛之間，適量油花，肉質鮮嫩爽滑，肉味濃郁，韓燒是很好的選擇，爽滑有口感！而任點方面，同樣可以無限點韓牛、日本A4和牛、澳洲M9和牛、美國安格斯牛肉、海鮮、刺身、小食、炸物等等。坊間比較少有韓國+1腩包肉都有供應，韓牛油脂豐富、包埋生菜食一流！仲有超級大件豬鞍，食肉獸必點，肉質細嫰！海鮮類嘅海蝦大大隻，彈牙爽口。飲品選擇都多，有啤酒汽水、仲有提供韓國飲品，韓國真露都有，一般坊間放題店比較少提供。今晚都幾多客人，氣氛好熱鬧，店員服務態度友善，又細心，值得一讚！