Video
Read full review
2009-03-10
57 views
氣溫驟降，熱愛打邊邊的太公之公當然要趁機會打多次邊邊。可以唔使就其他人口味要食沙嗲 ，兩個都咁鐘意蕃茄味的人，自然可以叫返d清清地既番茄系湯底，更加可以突顯食材本身的鮮味！太公本來屬意最平價位$38蚊的蕃茄薯仔湯，因為佢同勁重牛味的坑腩牛肉粒好好朋友，過往實驗指出，一放落去就變好好味的蕃茄薯仔牛肉湯；不過今次既然太公之公屬意貴d既蕃茄粟米豬骨鍋($48)，就順下佢意 - 反正係佢比錢，嘿。不過事實上呢個豬骨係唔食得，同埋令到個湯好油，太公覺得反而係蕃茄薯仔湯底較好。是晚主腳係坑腩牛肉粒同埋墨魚滑。如果你個budget唔係咁多，但又想食到牛味好濃的牛，太公建議你叫呢個坑腩牛肉粒；只需$68個大洋，都幾大碟，雖然食落有d渣有少少韌，但都唔係太老果種，而且個牛鮮味真係勁到冇得頂，好過食d唔夠牛味的肥牛。墨魚滑，以及西洋菜等蔬菜系保持一貫的高水準，用料夠新鮮，之前寫過，在此不詳述。也要了冰豆腐；這裡的冰豆腐做得很好，豆腐裏的蜂窩狀分佈平均，放在湯裏如海綿般索晒d湯；最好是放了牛粒後再放豆腐，索了牛湯的冰豆腐非常美味；唯豆味稍為弱了點，也許是牛味太濃所致。也要了薯粉體驗一下；薯粉本身索湯力很強，
可以唔使就其他人口味要食沙嗲 ，兩個都咁鐘意蕃茄味的人，自然可以叫返d清清地既番茄系湯底，更加可以突顯食材本身的鮮味！太公本來屬意最平價位$38蚊的蕃茄薯仔湯，因為佢同勁重牛味的坑腩牛肉粒好好朋友，過往實驗指出，一放落去就變好好味的蕃茄薯仔牛肉湯；不過今次既然太公之公屬意貴d既蕃茄粟米豬骨鍋($48)，就順下佢意 - 反正係佢比錢，嘿。不過事實上呢個豬骨係唔食得，同埋令到個湯好油，太公覺得反而係蕃茄薯仔湯底較好。
是晚主腳係坑腩牛肉粒同埋墨魚滑。
如果你個budget唔係咁多，但又想食到牛味好濃的牛，太公建議你叫呢個坑腩牛肉粒；只需$68個大洋，都幾大碟，雖然食落有d渣有少少韌，但都唔係太老果種，而且個牛鮮味真係勁到冇得頂，好過食d唔夠牛味的肥牛。
墨魚滑，以及西洋菜等蔬菜系保持一貫的高水準，用料夠新鮮，之前寫過，在此不詳述。
也要了冰豆腐；這裡的冰豆腐做得很好，豆腐裏的蜂窩狀分佈平均，放在湯裏如海綿般索晒d湯；最好是放了牛粒後再放豆腐，索了牛湯的冰豆腐非常美味；唯豆味稍為弱了點，也許是牛味太濃所致。
也要了薯粉體驗一下；薯粉本身索湯力很強，也沒有公仔麵般油膩，這裏做的雖不夠爽口，也食味已算不俗，值得一試。
金威純生$5一支，味道比普通金威淡但更苦，質素差得多，不建議飲用。
兩個食到捧住個肚走的人埋單，才二百六十多元。沒有名店的名氣，也沒有超上等靚牛，但勝在價錢夠平實親民，出品夠新鮮有誠意交足功課有突，絕對是太公這種窮等人家的上選！
值得注意的是週末千萬不要於十點後才抵達此店。是晚太公不斷地就是聽到各路侍應不斷呼叫「xyz賣晒」、「abc賣晒」之聲，不止是蔬菜，才九點半，連豬紅、魚皮餃等都已沽清 - 足證此店用料相當新鮮，但來遲一步，恐怕甚麼都沒得吃了！"Early bird eats the worm" 這個道理，原來相當應驗....
Post
