Farfalle (Closed)

前嗰排意外係openrice見到係上環居然有間幾得既西餐廳. 上環都算係舊區, 好多好食既舖頭都係類似茶餐廳既級數. 平時如果想食西餐既話都只可以去西港城. 所以見到有各位對farfalle既好評同埋相之後, 即刻約埋班同事放棄已經準備既飯盒落街食飯.係睇完餐牌之後, 我點左個牛扒, 同事們點左蜆肉意粉同埋三文魚雜菜卷. 首先上枱既係個雜菜湯. 個湯唔錯喎, 好杰! 唔似平時去茶餐廳嗰d咁, 水汪汪既! 我好欣賞個湯, 一心期待住飲完個湯之後可以食一餐豐富既牛扒餐. 果然同茶餐廳唔同.....不過我呢個諗法只係去到飲完個湯囉.首先, 其他同事既食物都普普通通. 食完唔會讚咁囉. 不過我舊steak好似一塊"針"板咁乾咁硬. 我切嗰陣切到張枱都郁埋, 手都軟呀!! 放入口既時候就有食香口膠既感覺. 最後食淨一半, 唔係因為我飽, 只係因為我牙"較"已經好攰唔想再食. 咁都唔夠衰, 最黑仔既係, 我食完之後發現係我隻碟入面發現隻烏蠅囉. 期望過高外加烏蠅事件... 即刻招手叫個待應黎啦. 點知.... 佢居然望下隻碟, ling走碟野, 之後就當無事發生過. 無sorry, 無換過碟. 好