Video
Read full review
2018-01-06
237 views
原本想食隔離嘅新森林，路經呢間鋪頭，印象中應該新開無耐，駐足門前睇咗一陣menu，覺得價錢合理，於是同男朋友一齊試下！原來日藉老闆已經係店內用殷切既眼神等待我地光臨，但唔會走出門口招攬客人，呢個真係典型日本做生意既style~👍入到去鋪頭地方闊落，7點半大概一半滿客，仲有一枱日本男人吹水飲啤酒🍻，店內目測有位大姐講中文，其他staff都似係日本人，感覺似去到一間日本居酒屋咁。。。一坐低就有叔叔遞上menu同暖水(去開京都就知日本無論幾凍都只會俾冰水客人，可能要迎合香港市場掛，加上琴晚落住雨真係凍)，我落order時都不自覺用日文😂果位staff又真係聽得明啵！之後出單再用唔咸淡廣東話復述order一次添，勁！好啦，講左咁耐，終於上菜啦！我叫左2號豚骨醬油拉麵加$8有粟米走青！望落已經覺得同京都拉麵小路其中一間有d似，湯底好濃郁唔會太油膩，每條麵都吸滿豬骨湯既精華~如果麵身再硬d就更好(平時食開超硬麵)😗叉燒肥瘦均勻，厚薄適中，唔會好嚡~而男朋友就叫左1號太郎拉麵加$20有3件炸雞！炸雞係新鮮炸後上，所以無影相🙈呢款就淡味d，湯底無醬油味咁濃，但不失鮮味~叉燒同拉麵應該係一樣，只係無濃湯
原來日藉老闆已經係店內用殷切既眼神等待我地光臨，但唔會走出門口招攬客人，呢個真係典型日本做生意既style~👍
入到去鋪頭地方闊落，7點半大概一半滿客，仲有一枱日本男人吹水飲啤酒🍻，店內目測有位大姐講中文，其他staff都似係日本人，感覺似去到一間日本居酒屋咁。。。
一坐低就有叔叔遞上menu同暖水(去開京都就知日本無論幾凍都只會俾冰水客人，可能要迎合香港市場掛，加上琴晚落住雨真係凍)，我落order時都不自覺用日文😂果位staff又真係聽得明啵！之後出單再用唔咸淡廣東話復述order一次添，勁！
好啦，講左咁耐，終於上菜啦！
我叫左2號豚骨醬油拉麵加$8有粟米走青！
望落已經覺得同京都拉麵小路其中一間有d似，湯底好濃郁唔會太油膩，每條麵都吸滿豬骨湯既精華~如果麵身再硬d就更好(平時食開超硬麵)😗叉燒肥瘦均勻，厚薄適中，唔會好嚡~
豚骨醬油拉麵
$73
18 views
0 likes
0 comments
而男朋友就叫左1號太郎拉麵加$20有3件炸雞！炸雞係新鮮炸後上，所以無影相🙈
呢款就淡味d，湯底無醬油味咁濃，但不失鮮味~叉燒同拉麵應該係一樣，只係無濃湯浸住，回復本身既味道！重點係半熟蛋！！同我係日本食過既一模一樣咁入味！！仲有炸雞都好值得推介，皮薄脆肉嫩多汁，一咬落去熱辣辣咇汁，食既時候小心辣親！
太朗拉麵
$72
25 views
0 likes
0 comments
其實可以加錢有多d配料，$20有3件炸雞或牛肉；$16有半熟蛋；$8有粟米，北海道牛油等，另外仲有牛肉丼同豚肉丼(用上日本魚沼產米)，生啤$38，價錢合理~
一路坐見到越黎越多客人，都唔好意思霸住張4人枱！埋單時老闆送左張$10 現金卷下次用，仲有日本式90度鞠躬送客添！！！
Post
