阿里山 (逸酒店) (Closed)

台灣的古早蛋糕近排行過一些旺區都成日見到好多人大排長龍，第一次試下台灣古早蛋糕，原來有成十幾隻味，我真係孤陋寡聞。店員逐一介紹各隻味道的做法，朱古力味蛋糕中間仲有朱古力醬流出來，有少少食緊心太軟的感覺❤️仲有店員十分推介的日本柚子味，清清甜甜，咬落仲有柚子係入面。店員話等多十幾分鐘就有榛子味出爐，等候期間店員又叫我試埋個原味，好香的蛋味，佢哋話已經試過好多隻唔同嘅蛋，有日本，中國，泰國等等先決定到用咩蛋去做，本身個蛋糕底好鬆軟就唔洗再講喇。仲見到佢地逐一逐一將d蛋逐隻洗乾淨，全個制作過程都係開放式比街坊睇住，一班年輕人係度默默整餅。呢十幾分鐘老闆仲講左好多關係制作蛋糕的一些小細節，原來佢哋用的全部係食用油墨印刷的盒，連膠袋都係環保材料，睇得出老闆無論係蛋糕本身落苦工之外都好着重其他的細節，值得支持。但如果真係要試哂咁多味，我建議先試原味，由清清地的味開始到比較濃的朱古力，否則可能會味感會有誤，試左再決定邊隻正都未遲😉