喜記避風塘炒辣蟹 (謝斐道)

Open Now

Now Closed

今日有朋友係外國來香港，話好想食香港海鮮，但由於佢安排嘅行程太緊密，所以都想留喺市區食，所以我一諗就諗到灣仔呢間喜記避風塘炒辣蟹，呢間係元祖老店，就係灣仔謝斐道好方便。一進店好多人，好彩一早訂咗位。我地叫左豪華4人套餐，價錢都係$2088，食到咁多汁嘅海鮮，其實都好抵食，平均一個人$500 ，喺香港而家真係食餐好啲嘅都要啦，呢度仲有蟹、瀨尿蝦、鮑魚，咁多海鮮！朋友第一次食瀨尿蝦，所以搵到一啲超大隻嘅瀨尿蝦食，佢哋成個感覺就會覺得食得容易啲，而呢度每一次食瀨尿蝦都真係手臂咁長，連瀨尿蝦都可以啖啖肉咁食，真係正到暈！醉鮑魚超大隻之餘，醃製得剛剛好，朋友第一次食酒醃製過嘅海鮮，覺得好特別！脆皮BB乳鴿佢都話外皮超脆，肉質鮮嫩，係佢食過最好食嘅！不過主角就梗係炒蟹啦，一上枱大家都wow咗一聲，佢用勁多蒜蓉去炒，勁香口，啲蟹又勁大隻，超鮮甜！