Video
Read full review
2024-04-13
25 views
餐廳：SOOO OYSTER GRILL & PASTA (天后)地址：天后威非路道21號第二十一威菲路酒店地舖位於天后同炮台山交界嘅 SOOO OYSTER GRILL & PASTA將嚟自各國嘅新鮮海鮮融入西式料理，一個星期就有三轉飛機貨到店✈️，更加有自家魚缸養殖活龍蝦同蟹等海鮮，保證大家食到最新鮮嘅食材🙌🏽餐廳裝潢走歐陸風，黑色皮製嘅梳發同柔和嘅燈光令環境舒適有情調，配上輕快嘅音樂令人心情都放鬆好多💆🏻♂️餐牌上提供各種西式菜色，沙律、意粉、扒類等包羅萬有💯，如果出示呢個post去食飯仲可以免費獲得一杯蜜桃/巨峰梳打特飲添🎉佢哋每個禮拜轉一次午市lunch menu，除咗主食之外仲包埋餐湯同餐飲😉，跟湯嘅蒜蓉包烘烤到非常香脆，牛油同蒜香撲鼻而來🧄，配埋酸酸甜甜自家製嘅蕃茄雜菜忌廉湯別有風味，開胃一流🍅嚟得Sooo Oyster，擺明就喺食生蠔啦😎，老闆嚴選世界各地嘅時令生蠔原箱入貨，每日提供5-6款生蠔，仲儲存喺特製保溫箱，叫咗兩款嚟自南非嘅Saldanha Bay ($50)同法國嘅Castle Black($58)生蠔🦪，前者體型較細但不失飽滿嘅口感，肉身柔軟帶爽脆裙邊，鮮甜
地址：天后威非路道21號第二十一威菲路酒店地舖
位於天后同炮台山交界嘅 SOOO OYSTER GRILL & PASTA將嚟自各國嘅新鮮海鮮融入西式料理，一個星期就有三轉飛機貨到店✈️，更加有自家魚缸養殖活龍蝦同蟹等海鮮，保證大家食到最新鮮嘅食材🙌🏽
餐廳裝潢走歐陸風，黑色皮製嘅梳發同柔和嘅燈光令環境舒適有情調，配上輕快嘅音樂令人心情都放鬆好多💆🏻♂️
餐牌上提供各種西式菜色，沙律、意粉、扒類等包羅萬有💯，如果出示呢個post去食飯仲可以免費獲得一杯蜜桃/巨峰梳打特飲添🎉
佢哋每個禮拜轉一次午市lunch menu，除咗主食之外仲包埋餐湯同餐飲😉，跟湯嘅蒜蓉包烘烤到非常香脆，牛油同蒜香撲鼻而來🧄，配埋酸酸甜甜自家製嘅蕃茄雜菜忌廉湯別有風味，開胃一流🍅
嚟得Sooo Oyster，擺明就喺食生蠔啦😎，老闆嚴選世界各地嘅時令生蠔原箱入貨，每日提供5-6款生蠔，
仲儲存喺特製保溫箱，叫咗兩款嚟自南非嘅Saldanha Bay ($50)同法國嘅Castle Black($58)生蠔🦪，前者體型較細但不失飽滿嘅口感，肉身柔軟帶爽脆裙邊，鮮甜蠔香餘韻綿長口🤌🏽，
後者肥美肉厚，入口細膩相對creamy，清新嘅海水味喺口腔徘徊🌊
✝️西班牙辣香腸·鮮蝦義大利幼麵 $158
幼麵嘅汁底以初榨橄欖油為主🫒，加上爆香咗嘅蒜片香氣四溢，
為意粉增添層次同油潤感😙，面頭有三隻鮮甜爽脆嘅大蝦，配上硬脆有嚼勁嘅辣肉腸惹味十足🔥 
✝️炭烤美國肉眼扒配時菜 $268
五成熟嘅牛扒肉芯呈粉嫩色，用坑爐燒至外層焦香鎖住肉汁💦，
令口感豐腴細膩，幼嫩中帶有咬口🥩，仲有啲肥膏喺邊邊大大提升油脂香味，
配埋清新嘅阿根廷Chimichurri青醬嚟襯托肉香，同時中和油膩感🌿，伴碟有烤薯、粟米🌽、紅椒等蔬菜，飽肚得嚟同時為整道菜提升風味🆙
✝️自家製果仁奶凍 +$58
源於義大利嘅Semifreddo翻譯做「半冷凍」，以奶凍同焦糖果仁層疊而出🍰，佢有雪糕嘅冰凍同慕斯絲滑輕盈嘅口感，焦糖脆脆同果仁碎滲透獨特嘅甘香，締造出層次豐富嘅韻味🤤，
配埋杯意式Cappuccino或Latte (+$10)，配搭出濃而不膩嘅滋味☕️
Post
