蠔灣 (金巴利道)

Open Now

Now Closed

食蠔始終要來專食蠔嘅店舖，種類多好多又新鮮。專業就是連工具都照顧周到，依間蠔灣令我大開眼界。seafood platter 超新鮮，有5款法國蠔，由淡到濃，細到大。第一款雖然細細隻，但爽口鮮甜，蠔味濃郁，第一隻已經好好食，每一隻都係高潮疊起。最後肥大肉厚， 重Metal味，總有一款啱你口味！期間，店員拎咗把蠔刀俾我地切帶子位，第一次見依把刀，所以surprise，有少少似揸牛油刀，由佢介個帶子位真係好方便！seafood platter仲有帶子、牡丹、蝦和藍蝦。坊間比較少有藍蝦，我個人都好鍾意食藍蝦。藍蝦尾部帶淡淡的藍色殼，與別不同，非常漂亮。以蝦味重取勝，擁有濃郁的海水味和彈牙的質感， 用來做刺身比牡丹蝦更鮮甜。另叫了五成熟牛扒和蜆湯。牛扒上枱肉身呈粉紅色，煎得好靚，加上自家製醬汁，有些洋蔥和燒汁，配搭很好。清酒蜆湯更是驚艷了我！蜆嘅份量幾乎密鋪平面，每隻顯都肥美大隻。用如此豐富嘅材料煲出來的湯一定係鮮甜可口。