小點角落

Open Now

Now Closed

今日喺葵涌廣場同埋連接住嘅葵涌新都會廣場行街，聽講呢區嘅餐廳都好抵食，行吓見到一間裝修好清新、好舒適嘅餐廳，門口放咗一個好吸引嘅餐牌，呢度有好多街頭小食，例如雞蛋仔、燒賣、魚蛋、腸粉等等，仲有果汁、沙冰特飲等等。平時好少食街頭小食，因為唔想企喺個街度食，今次同朋友一齊行街，行到攰咗，坐低慢慢食，傾吓偈，又唔想食到太飽，嚟呢間餐廳就最適合，而且食物賣相非常靚，好適合打卡影相。餐廳必食推介，見到餐牌，即刻好有興趣呢味「鹹蛋黃炸雞翼]，雞翼外面塗上炸粉同埋鹹蛋黃，外皮炸到脆卜卜，雞翼裏面肉質Juicy而且鮮嫩香滑，熱辣辣，好好味。除此之外，仲有「炸芝士條」、「炸薯條」都非常香口、惹味。「小食拼盤」包含炸蝦球用竹炭雪糕筒裝住，賣相精緻，好特色，好適合影相打卡。另外仲有碗仔翅、蒸腸粉、燒賣、章魚小丸子等等傳統港式小食，應有盡有。甜品方面，有雪糕雞蛋仔，雞蛋仔即叫即整，熱辣辣，脆卜卜。仲有「椰皇燉蛋白」同埋「芒椰特飲」，蛋白非常香滑，芒果椰汁味道配合得相當好，芒果肉好新鮮、好香甜，全部甜品都非常值得推介。