Video
Read full review
2021-09-26
749 views
幾個月前留意到呢間豪隍既食評，好多人都慕名而黎，聽聞仲話要排成個幾兩個鐘頭先有得食添！今朝見得閒冇野做，就約女朋友黎呢間食點心嘆早茶撐下檯腳！由於一早有定心理準備要排大隊，所以小弟身先士卒，早少少出門，9點15分左右到達，點知入到去都未使排隊住，但見到店面實況都經已坐左8-9成滿座，咁我坐低後就等埋女友黎就開餐！我地都叫左8樣點心，包括：煎蘿蔔糕、雞扎、山竹牛肉、蝦餃、燒賣、鹹水角、叉燒腸粉同馬拉糕。以下逐一評分：煎蘿蔔糕-一碟三塊，每塊都份量十足，又大塊又夠厚，又煎得夠香，食落又唔會淋pat pat，都相當不錯！雞扎-一籠兩舊，岩岩蒸起熱辣辣，入面材料有芋頭條、雞肉、魚肚（定豬皮）同腐皮，芋頭條夠林、雞肉又夠滑、魚肚都爽滑入味，以市面雞扎質素黎講，呢個都屬於好高分！山竹牛肉球-呢個牛肉球好大粒，咬落去好爽口彈牙又香噴噴，真心好好食，而且小點黎添，必食推介之一！蝦餃-熱辣辣，岩岩蒸起，入面好多蝦肉，而且又彈牙又新鮮，當然亦都係必食推介之一！燒賣-目測相當之大粒，咬落去d豬肉係爽口滑漏仲好彈牙果隻，順利當選必食之一！鹹水角-絕對驚起之作，新鮮炸起熱辣辣就上碟俾你，表皮好趣又夠厚，入面豬肉
今朝見得閒冇野做，就約女朋友黎呢間食點心嘆早茶撐下檯腳！
由於一早有定心理準備要排大隊，所以小弟身先士卒，早少少出門，9點15分左右到達，點知入到去都未使排隊住，但見到店面實況都經已坐左8-9成滿座，咁我坐低後就等埋女友黎就開餐！
我地都叫左8樣點心，包括：煎蘿蔔糕、雞扎、山竹牛肉、蝦餃、燒賣、鹹水角、叉燒腸粉同馬拉糕。以下逐一評分：
煎蘿蔔糕-一碟三塊，每塊都份量十足，又大塊又夠厚，又煎得夠香，食落又唔會淋pat pat，都相當不錯！
雞扎-一籠兩舊，岩岩蒸起熱辣辣，入面材料有芋頭條、雞肉、魚肚（定豬皮）同腐皮，芋頭條夠林、雞肉又夠滑、魚肚都爽滑入味，以市面雞扎質素黎講，呢個都屬於好高分！
山竹牛肉球-呢個牛肉球好大粒，咬落去好爽口彈牙又香噴噴，真心好好食，而且小點黎添，必食推介之一！
蝦餃-熱辣辣，岩岩蒸起，入面好多蝦肉，而且又彈牙又新鮮，當然亦都係必食推介之一！
燒賣-目測相當之大粒，咬落去d豬肉係爽口滑漏仲好彈牙果隻，順利當選必食之一！
鹹水角-絕對驚起之作，新鮮炸起熱辣辣就上碟俾你，表皮好趣又夠厚，入面豬肉份量就適中，呢個我俾好高分，不過就反而唔係好食到有鵝肝醬味！
叉燒腸粉-亦都係我覺得必食之一黎，腸粉夠滑，又夠大條，入面叉燒既份量都好多，配搭埋少量既芫茜，真係好好食好有咬口！
馬拉糕-至於馬拉糕就正常水準，唔算好突出，但都唔算好差，我女友對佢既評分係覺得有少少似食緊西餅果d雞蛋蛋糕咁啦！
食後感：覺得呢間點心既質素好過好多大酒樓同宜家市面上好興既點心專門店，而且價錢都唔算貴，所以必定翻食，我地食完果陣都十點半左右，走既時候就見到門外巳有十幾人排緊隊，原來我地早到先避免排隊既命運，好彩好彩，食完個靚早茶仲可以喺觀塘一帶行下街街，好滿足既一個早上！
點心
$120
241 views
0 likes
0 comments
Post
