Video
Read full review
2019-06-04
582 views
除左吹水會令人口乾，其實食野都會～掃街邊個話一定係指食野，都包括飲野！飲野黎講，依家周圍都係，就黎多過垃圾筒，近過711添，不過我地掃野要素野，點攪！？除左帶自備水，依家終於有素飲選擇喇！NUTTEA，一間冇奶但有奶飲既素飲店。「咪住先，師主講既野果然係高啲！啲中文我睇得明，但唔知你講咩喎～」拿，精妙之處就係呢到喇～因為呢到既奶係植物奶，而且係堅果奶。入正題前先講下個殼先！位於萬迪廣場1樓其實好易搵，又近地鐵。但唔知係咪我地太心急，呢個門口差啲令我地miss左！店內設計以簡單，清新為主，下圖靠牆果邊應該係打咭位、幫杯野飲影靚仔相專用～其實成間舖好細而且係長方形，不過麻雀雖然細隻，但亦有一個嘆茶既空間，佈置亦唔錯，讚！好喇！殼就食完，係時候驗明真身喇！以為素飲種類就會少？少年，你太年輕了！至少，我太年輕了！你可以以口味選擇又得，以顏色選擇亦得，揀左！經過係千挑萬選，最後揀左兩位佳麗，一位實務型同一位玩味型：第一位！你睇佢個樣幾務實。飲落就更加知道咩叫做實而不華～佢就係香芋堅果奶！雖然植物奶唔係第一次飲，不過佢個堅果味真係好夠，反而芋頭味就唔係好出。馬上到第二位出場，佢就係台灣紅玉堅果奶蓋
飲野黎講，依家周圍都係，就黎多過垃圾筒，近過711添，不過我地掃野要素野，點攪！？
除左帶自備水，依家終於有素飲選擇喇！
NUTTEA，一間冇奶但有奶飲既素飲店。
「咪住先，師主講既野果然係高啲！啲中文我睇得明，但唔知你講咩喎～」
拿，精妙之處就係呢到喇～因為呢到既奶係植物奶，而且係堅果奶。
入正題前先講下個殼先！
位於萬迪廣場1樓其實好易搵，又近地鐵。
但唔知係咪我地太心急，呢個門口差啲令我地miss左！
店內設計以簡單，清新為主，下圖靠牆果邊應該係打咭位、幫杯野飲影靚仔相專用～
其實成間舖好細而且係長方形，不過麻雀雖然細隻，但亦有一個嘆茶既空間，佈置亦唔錯，讚！
好喇！殼就食完，係時候驗明真身喇！
以為素飲種類就會少？少年，你太年輕了！至少，我太年輕了！
你可以以口味選擇又得，以顏色選擇亦得，揀左！
經過係千挑萬選，最後揀左兩位佳麗，一位實務型同一位玩味型：
香芋堅果奶
73 views
0 likes
0 comments
第一位！你睇佢個樣幾務實。
飲落就更加知道咩叫做實而不華～
佢就係香芋堅果奶！
雖然植物奶唔係第一次飲，不過佢個堅果味真係好夠，
反而芋頭味就唔係好出。
馬上到第二位出場，佢就係台灣紅玉堅果奶蓋茶！
台灣紅玉堅果奶蓋茶
64 views
0 likes
0 comments
先睇下隻鏟究竟咩事先 ！？咦？係個蓋到有攻略喎～
其實唔講都知隻鏟係比你一口一口咁鏟入你個口到，不過「感受茶香與奶蓋的俏皮」呢句，飲完唔覺佢有幾俏皮，反而係自己俏皮左…
味道方面，堅果奶蓋OK 濃郁，茶亦唔錯，溝埋黎飲更加係正！推介之一！
咦？
嘩～講明唔滿意可以redo喎～!?拿，講真，真心，飲到最尾我先發現唔滿意，咁點先？
作為一個好人，我決定發皮4之後走左去，隔日再黎飲過！
然後……隔日真係再黎飲過…！
今次我醒喇～帶定自備杯！其實素食又好素飲又好，都係為健康、動物同環境者～
而呢次叫既係藜麥燕麥堅果奶茶（隔離果啲只係裝飾）。
藜麥燕麥堅果奶茶
70 views
0 likes
0 comments
味道唔錯，加上一啖啖既燕麥，早上飲一杯應該，然後唔洗番工咁你話幾正呢～
順帶一睇，佢呢到好軍真，因為我個杯比佢地啲杯細，所以佢叫我先飲左啲之後再添剩餘果啲，
唔會話見你個杯細就整細杯比你，讚！
另外自備杯可減1蚊啊～！
Post
