碧士文 (Sugar+) (Closed)

放假同阿女去咗銅鑼灣SOGO行下，臨走經過糖街Pigsman碧士文外賣店，餐廳主打以英國特工做主題的豬扒飯，除了豬扒飯，還有手打本地豬漢堡和一系列豬主題的美食。除咗外賣，還有一張近窗嘅長大檯和數張高櫈可以給客人堂食，店舖裝潢參照電影《皇家特工》，店內陳列了槍具、長傘、皮具等特務造型的配件裝飾，打咭一流。豬榴彈，即係雙層手打豬柳芝士漢堡，用咗手打本地豬肉做成漢堡扒，漢堡扒厚身煎得蕉香口感鬆化多汁，漢堡包皮脆內軟，夾住蕃茄和菜，加上特製醬汁，啖啖都好惹味！加29蚊升級有埋薯條十汽水，薯條炸得香脆，點茄汁食到停唔到口！芝士焗越式水咖喱豬扒飯，餐廳堅持豬扒不加鬆肉粉製作，食得健康，豬扒厚身，已經切好一塊塊，方便進食，芝士咖喱汁香濃。伴飯食味道一流。豬扒飯用上黑色長形細盒裝著，感覺特別有型又有格！加咗薯條和汽水手打豬肉丸，即叫即炸，肉丸外層脆口，內裡豬肉鮮嫩有肉汁，帶有香料味道。點些燒汁味道更提升。