越北牛肉粉專門店 (Closed)

突然間想食越式嘢食，就係咁成班frd趁放飯一齊由上環去到西環呢間越北度食。話說我上一次食越北係同屋企人食，體驗唔係太好，覺得貴價唔飽。其他frd叫晒嘢食啦，有個叫咗生牛肉湯河粉，仲叫埋啲小食，鳳爪、春卷。我就叫個越北三寶配飯，椰汁紅豆冰。杯紅豆冰上面勁多泡泡，好似cream果啲咁。飲落都好有椰子味，甜甜的，再配埋紅豆一齊飲，好飲呀！我嘅飯都到啦！有雞翼、香茅豬扒同扎肉，仲比塊蝦片你食下添。飯量好夠，豬扒都好香，扎肉聽講係越南版嘅午餐肉，都唔錯！整體嚟講今次食越北感覺好過上次，今次係午市，上次係晚市，可能咁就有啲分別。