Video
Read full review
2003-10-03
15 views
(首先麻煩editor更正個名先,係燒鳥唔係燒島)我幫襯呢間居酒屋都算係最耐既一間,足足有9年.以前呢度真係有好多明星捧場,之後可能多左d街外客啦,逐漸就冇乜見到明星啦.我印象中superstar maggie cheung都有去過.舖裡面清一色係女仕,由廚師到洗碗都係得4個人,但busy時候又應付得焯焯有餘.我食左咁長時間佢地都冇轉過人.我本身係一個唔食蔥蒜既人,好偶然有一次去到叫左個"薄燒牛肉"試下,食落口先知係牛肉裡面包住個d係蔥同蒜蓉.嘩!好正呀!自從個次後,每一次我去食都必order兩客(因為5件/客),到家下食左9年.如果講食串燒,味道唔算太出眾,但一定好過d二打六既日本料理.其實除左上述介紹既"薄燒牛肉"外,鰻魚定食都係必選.試過食出面個d,一係就好腥,一係就燒得唔夠候.但佢地可以控制得好好,魚肉保持滑口,個底有少脆,又唔會過硬,食到卜卜聲.再加埋個純正麵豉湯.即時飽到行唔郁.其實佢地串燒都有幾款代表作架(有燒雞翼,燒薯仔,燒冬菇,燒墨魚咀).所以我只會食佢地整既薄燒牛肉同鰻魚飯.價錢方面,同其他有少少名氣既居酒屋比起係差唔多,佢企硬唔減都係想保持品質,以我所知,佢地一向
我幫襯呢間居酒屋都算係最耐既一間,足足有9年.以前呢度真係有好多明星捧場,之後可能多左d街外客啦,逐漸就冇乜見到明星啦.我印象中superstar maggie cheung都有去過.
舖裡面清一色係女仕,由廚師到洗碗都係得4個人,但busy時候又應付得焯焯有餘.我食左咁長時間佢地都冇轉過人.
我本身係一個唔食蔥蒜既人,好偶然有一次去到叫左個"薄燒牛肉"試下,食落口先知係牛肉裡面包住個d係蔥同蒜蓉.嘩!好正呀!自從個次後,每一次我去食都必order兩客(因為5件/客),到家下食左9年.
如果講食串燒,味道唔算太出眾,但一定好過d二打六既日本料理.
其實除左上述介紹既"薄燒牛肉"外,鰻魚定食都係必選.試過食出面個d,一係就好腥,一係就燒得唔夠候.
但佢地可以控制得好好,魚肉保持滑口,個底有少脆,又唔會過硬,食到卜卜聲.再加埋個純正麵豉湯.即時飽到行唔郁.其實佢地串燒都有幾款代表作架(有燒雞翼,燒薯仔,燒冬菇,燒墨魚咀).
所以我只會食佢地整既薄燒牛肉同鰻魚飯.
價錢方面,同其他有少少名氣既居酒屋比起係差唔多,佢企硬唔減都係想保持品質,以我所知,佢地一向唔賣廣告,唔比雜誌訪問,但經歷過sars同埋山林道d日本料理愈開愈多後,終於都要破例.
只要係好野就梗係要公諸同好啦,呢個係我地openrice.com每位食家既中旨嘛!
Post