Video
Read full review
2021-04-10
2256 views
出黎長沙灣呢度拎啲野，順便同朋友黎食個tea，朋友推薦呢間好有私隱嘅車仔麵店，啲位全部都係獨立㗎，仲係簡約風裝修，感覺有啲文青添。下午茶無乜人，咁我地就唔客氣坐張四人枱啦，枱上有辣醬同菜莆，個菜莆炒過辣辣地仲幾有蒜香，好味喎。先來兩杯凍飲，要左凍鴛鴦同凍朱古力，唔知係咪杯鴦要左少甜，好似連奶都少左咁，而且茶味唔夠得啡味，屬一般。相反杯朱就幾好味，好濃朱古力味，少甜啱啱好，正好為一陣碗辣粉解解辣。自己點左呢碗牛三寶車仔麵，哈哈，好紅呀。湯底揀左重慶麻辣湯，要小辣咋但已經好辣，無乜麻味，個辣味都唔夠香。跟配米粉，吸左湯都好爽口，唔錯。餸方面有牛腩，牛肚同牛丸，個牛腩炆得軟腍好味喎。朋友就要左公司車仔麵，貪佢咩餸都有啲夠豐富。湯底要左豬骨濃湯+秘制辣汁，真係好濃豬骨味，呢款湯底正啲，推介！好肚餓又加左啲小食，先來個滋味蜜糖燒賣，好酥脆唔油膩，咁樣有蜜糖去炸燒賣又幾好食，可以學下整。仲有勁脆炸雲吞，炸得香口又鬆脆，點埋個雞醬一流。最後仲有皇牌香酥炸雞翼，勁香口勁香口勁香口，外皮脆但肉仲好嫩滑，又係好好味。可以用QR Code自己落單幾方便，入面啲飲品全部可以自己揀少甜少冰等，個網站好user
下午茶無乜人，咁我地就唔客氣坐張四人枱啦，枱上有辣醬同菜莆，個菜莆炒過辣辣地仲幾有蒜香，好味喎。
先來兩杯凍飲，要左凍鴛鴦同凍朱古力，唔知係咪杯鴦要左少甜，好似連奶都少左咁，而且茶味唔夠得啡味，屬一般。相反杯朱就幾好味，好濃朱古力味，少甜啱啱好，正好為一陣碗辣粉解解辣。
自己點左呢碗牛三寶車仔麵，哈哈，好紅呀。
湯底揀左重慶麻辣湯，要小辣咋但已經好辣，無乜麻味，個辣味都唔夠香。
跟配米粉，吸左湯都好爽口，唔錯。
餸方面有牛腩，牛肚同牛丸，個牛腩炆得軟腍好味喎。
朋友就要左公司車仔麵，貪佢咩餸都有啲夠豐富。
湯底要左豬骨濃湯+秘制辣汁，真係好濃豬骨味，呢款湯底正啲，推介！
好肚餓又加左啲小食，先來個滋味蜜糖燒賣，好酥脆唔油膩，咁樣有蜜糖去炸燒賣又幾好食，可以學下整。
仲有勁脆炸雲吞，炸得香口又鬆脆，點埋個雞醬一流。
最後仲有皇牌香酥炸雞翼，勁香口勁香口勁香口，外皮脆但肉仲好嫩滑，又係好好味。
可以用QR Code自己落單幾方便，入面啲飲品全部可以自己揀少甜少冰等，個網站好user friendly。雖然唔係樣樣都好好食，但整體屬中上水準，加上店內很乾淨，價錢又不貴，確實係好選擇黎。
Post
