YakiniKuu Japanese Bbq (Moved) New Location

今日去左朋友極力推介嘅一間燒肉店，位於中環九如坊，不過我都係第一次去，都幾難搵。不過入到去都幾有格調，坐低就嗌左份雞豚肉set，吾洗一陣就先上沙律。沙律外貌吸引，菜好清新脆綠拼盤仲更加令我驚喜，除左雞肉豚肉外，仲有腸仔同海鮮拼盤，海鮮拼盤有蝦，帶子，同蠔，全部都好正，肉質素好高，雞就好滑，豚肉就好彈牙可口，燒得好香口，海鮮拼盤嘅海鮮都好新鮮，仲加了少少調味，所以燒完仲好食惹味，另外要特別讚讚店員嘅服務，因為全部店員都好nice好有笑容，而且仲會細心咁介紹應該點燒，不時仲會過嚟幫下我地燒同睇下我地燒得好冇，感覺好周到。見到周圍食客都應該係熟客咁，呢d咁好嘅餐廳如果冇人推介就真係會錯過，今次超正嘅介紹，真要多謝返個朋友先得。