城寨風味

Open Now

Now Closed

去九龍城食多數都係食泰國野或者打邊爐，今次想食啲唔同啲既，好彩朋友介紹比我搵到間咁好食既中菜餐廳。睇佢個餐牌好多菜式都好特別好吸引，不過奈何今次我地得兩個人，叫唔到太多餸黎試。最終我就揀咗一份乳鴿， 一份拔絲咕嚕肉同埋炒四季豆。乳鴿叫咗佢一開４方便可以分黎食，唔怕太大舊。雖然賣相一般但一咬落就知與眾不同，佢個皮比起一般更脆，更厚身，有D似片皮鴨既ｆｅｅｌ。皮脆肉嫩而且味道都岩岩好，唔會太咸。另外一樣好有驚喜既就係佢既拔絲咕嚕肉。 相信咕嚕肉大家都食唔少，但今次食既呢個咕嚕肉加上拔絲既整法令到佢ｄ肉有層脆既外層，醬色既酸甜平衡拿挰得恰到好處，簡直係接近完美既配合，配白飯真係一流！３個餸入面竟然有兩樣都超出我所想，超級好食，推介比大家！