Video
Read full review
2018-09-24
155 views
餐廳有三個set 第一個主要係天婦羅 第二個係加左刺身 第三個係有埋牛肉 食既食物由廚師發板 有機會唔同不過大致都一樣 全部用上時令新鮮食材👍🏻最後我同男朋友揀左第三個極set！冰涼既露荀好fresh 率先打開味蕾 露荀無渣十分好北海道生粟米 菱子 煙鴨胸配wasabi 相生粟米十分十分甜 有啲似飲竹庶水既甜 食落爽脆 即使係生既都唔會有生草味👍🏻第一次食菱子 有啲似芋頭既感覺🤣柚子豆腐 豆腐既口感超新奇！食落口會變到好似一pat咁連綿 有啲似漿既感覺！成個湯主要由松茸煮 淨係松茸味已經好夠 作為一個過渡 準備食刺身😋平時我好少食海鮮 日本壽司多數都淨係食三文魚 所以今次既食既刺身 完全係擴闊左我既味蕾！一直好怕好腥既味 但呢三款魚都無 重點一提 池魚食落仲要係脆口 好特別！拖羅脂肪均勻 入口即溶！平時食天婦羅 出面層粉一定炸到好脆好大舊 呢到相反 炸粉薄薄一層 令人食落感覺唔會超油但同時又能夠食到炸脆口感 另外蝦係真係堅鮮甜！堅於我平時唔太食海鮮 所以我從來都唔明啲人講咩鮮甜 但今次食完呢份蝦天婦羅 我就完全感受到！無骨可以成條食😋同樣係突破左勁大心理關口去試 一試就發現原來魚可以好
餐廳有三個set 第一個主要係天婦羅 第二個係加左刺身 第三個係有埋牛肉 食既食物由廚師發板 有機會唔同不過大致都一樣 全部用上時令新鮮食材👍🏻最後我同男朋友揀左第三個極set！
冰涼既露荀好fresh 率先打開味蕾 露荀無渣十分好
北海道生粟米 菱子 煙鴨胸配wasabi 相
生粟米十分十分甜 有啲似飲竹庶水既甜 食落爽脆 即使係生既都唔會有生草味👍🏻第一次食菱子 有啲似芋頭既感覺🤣
柚子豆腐 豆腐既口感超新奇！食落口會變到好似一pat咁連綿 有啲似漿既感覺！
成個湯主要由松茸煮 淨係松茸味已經好夠 作為一個過渡 準備食刺身😋
平時我好少食海鮮 日本壽司多數都淨係食三文魚 所以今次既食既刺身 完全係擴闊左我既味蕾！一直好怕好腥既味 但呢三款魚都無 重點一提 池魚食落仲要係脆口 好特別！拖羅脂肪均勻 入口即溶！
平時食天婦羅 出面層粉一定炸到好脆好大舊 呢到相反 炸粉薄薄一層 令人食落感覺唔會超油但同時又能夠食到炸脆口感 另外蝦係真係堅鮮甜！堅於我平時唔太食海鮮 所以我從來都唔明啲人講咩鮮甜 但今次食完呢份蝦天婦羅 我就完全感受到！
無骨可以成條食😋同樣係突破左勁大心理關口去試 一試就發現原來魚可以好好味 連男朋友都話我變得咁快🤣
大蜆天婦羅
大蜆好爽脆 底下釀左菇同蔥有驚喜👍🏻
秋刀魚卷入面仲包左紫蘇葉同梅 老實說講 如果淨係秋刀魚既話 因為我食唔慣 所以覺得魚味太重 不過加左梅之後就十分ok!
薄切比厚切好食好多 入口即溶 唔會韌 西冷就較為比下去🤣
飯團煎過 上面擺左梅子醬 再配冷清湯 一口食多重口感同味道！好有心思既配搭👍🏻
初頭見廚師係到炸舊唔知咩野 仲要隔左好耐炸多次 之後就諗 竟然翻炸俾客人食？但之後上菜既時候終於明白點解要炸兩次 為左保持外脆爽口但內裡軟熟同唔過熟 所以炸左一次 再隔一個鐘再炸 個皮既口感真係十級讚！！！炸完都唔會覺得熱氣/油膩！蘸白蘭地再沾白糖食 第一次咁食 真係好好味！！！！大推！
去到尾聲黎個水果作結
蜜瓜超甜仲要入口即溶 無誇張 連水果都可以入口即溶！
想大讚呢間餐廳真係好識揀時令食材 食完令人難以忘懷既餐廳！👍🏻
如果想食omakase 一定要試呢間！
Post
