香港華商銀行公會 (Under Renovation)

老公因疫情好耐都冇同奶奶出街食飯，所以趁母親節，就訂咗中環香港華商銀行公會食晚飯慶祝，之前老公嚟食過話食物唔錯，招呼又好，會帶家人來試吓，今晚就可以啦！話梅汁浸鮮淮山：鮮淮山好爽口，夾少許話梅食好醒胃。香煎腐皮素鵝：腐皮煎到金黃色，好香脆，餡料因為有雲耳、芹菜、紅蘿蔔等，所以好爽口。螺頭沙參玉竹燉龍骨湯：龍躉骨是富豪界的滋補補品首選，其骨髓香滑，且有養精益氣功效，用來燉湯非常鮮香，滋補順喉。配以螺頭、沙參玉竹 、淮山杞子、雞腳等，用料講究又滋補，味道更鮮甜。花雕王蒸蛋白龍躉斑片：龍躉斑片厚肉香滑，蛋白滑溜，加入少許花雕王，清香撲鼻，增添美味！星洲胡椒焗粉絲大蝦煲：星洲黑胡椒味特別濃郁，用嚟炒大蝦和粉絲好入味，大蝦彈牙，粉絲吸收大蝦的鮮味，爽口又鮮甜！東瀛醬香米鴨（半隻）：米鴨沾滿香氣四溢的濃郁醬料，肉質鮮嫩好惹味！冰花蛋球：即係沙翁，外面金黃香脆，沾滿砂糖，內裡鬆軟充滿蛋香，超級滋味！