海皇粥店 (樂道) (Closed)

好耐好耐無同家人去海皇啦⋯⋯ （對上果次可能已經係我讀緊小學）一坐底打開menu,, 心裡不禁嘩嘩嘩..... 多左甘多款式既. 原來真係唔止賣粥.. 有部隊鍋，手抓餅，飯，米線🍜等等... 真係幾屈機... （對比起粥麵既價錢，其他款式定價唔係貴，都算是合理。）好啦⋯⋯ 睇左甘耐，我都係order 左雙拼生滾粥，魚片x滑牛（一場黎到.. 唔係唔食粥牙maaa ?! ) ,, 心裡都少少肉赤.... 話曬一碗粥要$55。唔講甘多住... 食左先講... 粥底真心好食，無過多既豬油「漿」住個咀仔；又唔太「杰」或太「稀」，加上魚片同滑牛都好足夠；一定可以送到粥... 以呢碗粥既份量同質素黎講，唔怪得d人會定$55，真係同一般粥鋪有分別，食過你就會知道...