新高麗苑韓國餐廳

Open Now

Now Closed

晚上八點半去到餐廳，冇訂枱但餐廳唔滿，侍應堅持要我哋（二人）等，唔肯比張乾淨冇人坐嘅四人枱，而要等佢哋執乾淨張細枱。入座食咗廿分鐘左右，發覺塊燒烤鐵板燶咗一大片而且黐底，叫佢換過塊啦，侍應竟然話只可以換一次喎！大佬呀，你哋啲肉類大部分都用汁醃過，你估我想搞燶你塊鐵板咩！我食韓燒不下二十年，都係第一次聽到只可以換鐵板一次。另外，除咗熱茶（棕色清水）外，係冇包任何嘢飲嘅。好在餐廳對面有七仔，食完對面見啦！估計應該因為喺西環係獨巿生意，啲咁嘅服務先可以生存。奉勸各位如果想幫襯，不如搭幾蚊地鐵落銅鑼灣，海闊天空大把選擇！