三星台菜食堂 (新城市廣場一期) (Closed)

今日食第二次。兩次食完都慨嘆點解可以將好地地一碗牛肉麵煮都咁難食都仲可以收8x一碗。個麵湯底都算正常，雖然唔係特別好。面咪就係普通嗰啲面，第一次食有種食麵粉嘅感覺，第二食就好少少。但係個牛肉出事。用牛肋條都冇所謂嘅，但係麻煩煮得好食少少。唔鬆化又冇牛肉味。話晒你都係收人哋80幾蚊一個麵，唔好仲差過快餐店。話晒都係叫做用牛肉麵做招牌，個牛肉可唔可以俾返少少心機佢？今次仲叫咗個凍豆腐同皮蛋。皮蛋好大浸跟阿摩尼亞味都算啦，個豆腐可唔可以有d誠意, 唔好畀我見到擺明係即食豆腐開個包裝倒cup出嚟。咁難食就梗啦。咁又收$6x。畀$1xx, 其實新城市廣場真係有好多選擇，好後悔。畀餐廳嘅價錢，食比快餐店仲差嘅食物。